Gazeta Si – Dhimbja më e madhe në ditën e gëzimit të jashtëzakonshëm. Olga Karmona, menjëherë pas finales së Botërorit të futbollit për femra ndaj Anglisë, që u vendos nga një gol i saj, mësoi lajmin e vdekjes së babait.
Lajmi është bërë i ditur nga Federata Spanjolle e Futbollit, që shpjegon se futbollistja u informua pas ndeshjes dhe pas ceremonisë së marrjes së medaljeve (ajo u shpall edhe lojtarja më e mirë e finales).
Nuk janë bërë të ditura shkaqet e vdekjes së babait të lojtares dhe as koha e saktë kur kishte ndodhur ngjarja. Karmona zbriti në fushë në Sidnei pa ditur asgjë. Me shiritin e kapitenes në krah, ajo udhëhoqi skuadrën ashtu si në gjysmëfinale, ku gjithashtu kishte shënuar një gol të rëndësishëm.
⚫️ PÉSAME | La @RFEF lamenta profundamente comunicar el fallecimiento del padre de Olga Carmona. La futbolista ha conocido la triste noticia una vez concluida la final de la Copa del Mundo.
— RFEF (@rfef) August 20, 2023
Mandamos nuestro abrazo más sincero a Olga y a su familia en un momento de profundo… pic.twitter.com/BSe2XmUrVF
Në intervistën pas ndeshjes, kur ende nuk e kishte mësuar lajmin, Karmona tha se ia dedikonte golin nënës së një shoqes së saj që kishte humbur jetën. “Të duam, Olga, je historia e futbollit spanjoll”, – shkruante Federata Spanjolle e Futbollit pas lajmit të trishtë. Edhe Real Madrid, klubi ku luan futbollistja 23-vjeçare e lindur në Sevilje, ka postuar një mesazh ngushëllimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
