Gazeta Si – Milot Rashica, lojtari i Kosovës dhe më parë i Shqipërisë U-21, do ta vazhdojë karrierën në Turqi, por jo me Gallatasarajin, ku luajti sezonin e fundit në formë huazimi. Sulmuesi anësor ka firmosur me Beshiktashin, ekipin tjetër elitar të futbollit turk.
Rachica i ka kushtuar Beshiktashit 5 milionë euro. Akordi mes palëve është arritur për një kontratë 4-vjeçare, deri në vitin 2027. Kosovari lë pas kështu aventurën me Noruiçin në Angli dhe stabilizohet në Turqi. Këtë kampionat ai e njeh mirë pas aktivizimit me Gallatasarajin, ku bëri një paraqitje mjaft të mirë.
Emri i Milot Rashicës ishte lakuar shumë kohët e fundit sa i takon merkatos. Më së shumti u fol për vazhdimin e bashkëpunimit me Gallatasarajin, por tashmë sulmuesi do të jetë pjesë e rivalëve të Beshiktashit, ekipit që eliminoi Tiranën në Ligën e Konferencës.
Ky transferim vjen në një moment, ku Rashica është në kulmin e karrierës dhe tashmë duhet të tregojë vlerat e tij më të mira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
