Gazeta Si – Goditje e rëndë për Bajernin e Mynihut, që duhet të presë edhe të paktën dy muaj për rikuperimin e portierit dhe kapitenit Manuel Nojer. Një shqetësim shumë i madh, pasi vjen në momentin kur klubi bavarez sapo ka shitur tek Interi portierin tjetër, Jan Somer.
Portieri gjerman ka bërë kontrollin e protezës metalike që kishte vendosur në këmbën e djathtë për dëmtimit që kishte pësuar. Ai ka ndjerë humbjen e ndjeshmërisë në këmbën e majtë dhe tani duhet të rifillojë rehabilitimin.
Sipas burimeve pranë klubit bavarez, Nojer, që u dëmtua duke bërë ski, do të jetë jashtë fushave të paktën edhe për dy muaj të tjerë, duke e çuar mungesën në total në 10 muaj. Klubi gjerman tani duhet të shpejtojë për të gjetur një portier tjetër për pjesën e fillimit të sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
