.png)
Nga Gazeta ‘SI’ – Punimet rrugore po avancojnë ndjeshëm në aksin Qafë Plloçë-Qukës, pjesë e Korridorit 8.
Autoriteti Rrugor shqiptar ka njoftuar se në lotin 1 po vazhdojnë punimet me shtrimin e asfaltit ndërtimin e mureve mbajtëse dhe për mbrojtjen dhe stabilizimin e skarpateve.
Në lotin 2, po punohet për ndërtimin e trasesë nga kilometri 19 në 20.
Si pjesë e Korridorit 8, që lidh Tiranën me Korçën, ky aks ka rëndësi ekonomike për vendin, sidomos për rajonin lindor.
Përfundimi i rrugës Qukës-Qafë Plloçë pritet t’i japë zhvillim më të madh jo vetëm këtij fshati por gjithë Mokrës, që spikat për natyrën me reliev piktoresk, mjaft atraktive për zhvillimin e agroturizmit dhe sporteve të natyrës.
Rruga mundëson lidhjen e bizneseve dhe prodhuesve në zonat e Korçës, Pogradecit, Librazhdit dhe Elbasanit me tregjet e tjera kryesore të vendit por zgjon gjithashtu potencialet për investime në agroturizëm.
Korridori rrugor do të shërbejë si një by-pass për qytetin e Pogradecit, duke forcuar potencialin turistik të tij, si një nga qendrat turistike të Shqipërisë juglindore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
