Gazeta Si – Al Nasr, një nga klubet më aktive në merkaton e verës, ka prezantuar për fansat e tij fanellat e sezonit të ri. E ka bërë me personazhet kryesorë të skuadrës, nga Brozoviç te Teles, Seko Fofana dhe Taliska, por me një mungesë të madhe, atë të Kristiano Ronaldos. Dhe kjo është vënë re nga të gjithë.
Ku ka përfunduar portugezi? Kjo ishte pyetja më e shpeshtë në rrjetet sociale. Për Ronaldon ka lindur një problem jo pak i vogël, që ka të bëjë me kompaninë e njohur ‘Nike’.
It's about Time!
— AlNassr FC (@AlNassrFC_EN) July 25, 2023
AlNassr Home Kit 23-24 is here 🤩#BringTheInsideOut 💛 pic.twitter.com/6mWtXsIQgh
Fanellat e Al Nasr, në fakt, janë prodhuar pikërisht nga kompania amerikane, për të cilën CR7 është imazh që prej vitit 2003, por raporti në javët e fundit duket se ka ndryshuar dhe është tensionuar jo pak. Shkak janë bërë parakalcet, që në ndeshjen me Selta Vigon Ronaldo kishte veshur ato të rivalëve të ‘Adidas’.
Një gafë e rëndë, që është vënë re nga ‘Nike’ dhe që ka zemëruar keq drejtuesit e saj. Dhe mungesa e CR7 në videon e prezantimit të fanellave të reja të Al Nasr konfirmon krisjen mes palëve. Portugezi rrezikon të prishë akordin prej 147 milionë eurosh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
