Gazeta Si – Redon Xhixha, ish-sulmuesi i Tiranës, ishte protagonist në skenën e madhe sot në mbrëmje, në futbollin që vlen. Ai shënoi 2 gola në Champions për azerët e Karabagut, në ndeshjen e parë të turit të dytë kualifikues ndaj polakëve të Rakov.
Xhixha, titullar në majën e sulmit të Karabag, barazoi rezultatin në pjesën e dytë nga 2-0 në 2-2. Dhe këtë e bëri brenda 3 minutash, herën e parë me një devijim të saktë me kokë dhe herën e dytë pas një devijimi me trup.
Raków Częstochowa 2-[2] Qarabağ – Redon Xhixha 75′
by u/4gjdtokurwa in soccer
Një dopietë që tregon qartë se Xhixha është në formën e tij më të mirë. Ai u zëvendësua në minutën e 82-të të ndeshjes, që u mbyll me fitoren 3-2 të polakëve, pasi në shtesë ata gjetën golin e 3-të. Megjithatë, 2 golat e Xhixhës e mbajnë Karabagun plotësisht në lojë për kualifikimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
