Gazeta Si – Pas Partizanit dhe Ballkanit, edhe Struga, skuadra kampione e Maqedonisë së Veriut, ka fituar ndeshjen e parë të turit të dytë kualifikues të Ligës së Konferencës. Skuadra e drejtuar nga trajneri Shpëtim Duro mundi 1-0 Buduçnostin dhe shkon e favorizuar në ndeshjen e kthimit në Mal të Zi.
Eksperti Besart Ibraimi vendosi ndeshjen e sotme me një gol të shënuar pas 30 minutash lojë. Struga e ruajti avantazhin deri në fund, duke iu gëzuar fitores së parë historike në arenën europiane.
Buduçnosti iu afrua golit të barazimit vetëm në një rast, kur një top i goditur nga larg, preku traversën. Në fund kanë festuar kampionët e Maqedonisë së Veriut, të cilëve do t’u mjaftonte edhe barazimi në kthim për ta parë veten në turin e tretë të Ligës së Konferencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
