.png)
Gazeta Si – Janë 7 skuadrat shqiptare që vazhdojnë rrugëtimin europian, që të gjitha në turin e dytë të Ligës së Konferencës, pasi as Partizani, as Ballkani dhe as Struga nuk mundën të avanconin në Ligën e Kampionëve.
Që të tria këto skuadra janë eliminuar, por kanë edhe një shans, pasi kanë zbritur naë Ligën e Konferencës, ku rivalët janë më të lehtë në letër. Partizani ndeshet me Inter Eskaldes të Andorrës, Ballkani me iralndezët e Larne dhe Struga me malazezët e Buduçnostit.
Mes të gjitha sfidave europiane për skuadrat shqiptare spikat pa dyshim Tirana-Beshiktash. Pas atij kaulifikimi të madh në Gjeorgji ndaj Dinamo Batumit, nënkampionët e Shqipërisë përballen me ekipin e njohur turk. Ndeshja e parë luhet në Turqi javën e ardhshme.
Kosova vazhdon me 3 skuadra në Europë, ku përveç Ballkanit dhe Dukagjinit që u kualifikua në turin e dytë dhe tani përballet me Rijekën, merr pjesë edhe Drita. Kjo e fundit luan direkt në turin e dytë të Ligës së Konferencës, ku do të ndeshet me çekët e Viktoria Plzen.
Skuadrat shqiptare që dolën menjëherë nga kompeticionet europiane janë Vllaznia, Egnatia, Shkëndija e Tetovës dhe Gjilani.
Turi 2-të eliminator i Ligës së Konferencës
Beshiktash-Tirana
Atletik Club Eskaldes-Partizani
Ballkani-Larne
Rijeka-Dukagjini
Viktoria Plzen-Drita
Struga-Buduçnost
Shkupi-Levski
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
