Gazeta Si - Myrto Uzuni ka treguar edhe një herë vështirësitë e mëdha që ka kaluar në fillimet e karrierës së tij. Ai ka zbuluar pagesën e parë që ka marrë te Tomori në Berat, një pagesë modeste prej 175 mijë lekësh. Po ashtu, ai ka treguar edhe një prapaskenë që ka të bëjë me Greqinë.
I ftuar në emisionin ‘Opinion’ në Klan, sulmuesi i Kombëtares ka rrëfyer se gjatë kohës kur ishte në Greqi i kanë thënë që të priste ftesën e kombëtares së këtij vendi. Por ky variant u refuzua nga lojtari dhe babai i tij.
“Kur isha në Greqi, trajneri im atje më tha ‘mos u nxito, nëse të vjen ftesë nga Shqipëria, pasi mund të të vijë ftesë edhe nga Greqia’. Babai e refuzoi automatikisht, duke thënë se ne jemi shqiptarë. Ishte koha kur Shqipëria shkoi në Europian dhe në Greqi kishte shumë racizëm”, - ka thënë Uzuni mes të tjerash.
Sulmuesi kuqezi u kthye në qytetin e tij, në Berat, ku luajti me ekipin e parë të Tomorit pa mbushur 19 vjeç. Më pas kaloi tek Apolonia, Laçi dhe pastaj në Kroaci, Hungari dhe tani në Spanjë, ku është bërë protagonist me golat e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.