.png)
Gazeta Si – Raporti në përfundim të hetimit për çështjen ”Partygate”, i kryer nga një komision dypartiak i Westminster (Komiteti i Privilegjeve), dënoi Boris Johnson.
Për komisionin, në fjalimet e tij si kryeministër në Dhomën e Komunëve, Johnson me vetëdije “mashtroi” Parlamentin Britanik për skandalin e festave të organizuara në Downing Street në shkelje të kufizimeve anti-Covid.
Bëhet fjalë për një dënim të paprecedentë sipas mediave britanike. Asnjëherë më parë në Mbretërinë e Bashkuar, një kryeministër nuk ka gënjyer qëllimisht Parlamentin.
“Është një vrasje politike”, komentoi ish-udhëheqësi i konservatorëve, duke shtuar se Komiteti i Privilegjeve kishte dhënë “thikën e fundit” kundër tij.
Ish-kryeministri, mes polemikave dha dorëheqjen si deputet të premten, pasi kishte parë dokumentin, për të shmangur mundësinë e zhvlerësimit si rezultat i konkluzioneve të hetimit.
“Unë nuk kam gënjyer dhe besoj se në zemrat e tyre komisioni e di këtë”, tha ish-kryeministri në një deklaratë.
Johnson më parë pranoi se nuk kishte thënë të vërtetën në Dhomën e Komunëve, por nuk do ta kishte bërë këtë qëllimisht. Johnson e quan atë një “precedent të rrezikshëm dhe shqetësues”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
