.png)
Rishi Sunak ka konfirmuar se nuk do të takohet me kandidatin për president Donald Trump gjatë vizitës së tij në SHBA këtë javë.
I pyetur përpara mbërritjes së tij nëse do të takohej me Trumpin, kryeministri britanik tregoi se nuk do ta bënte këtë, duke shtuar: “Kam një orar mjaft të ngjeshur”.
“Po takoj liderët kryesorë të Kongresit nga të dyja palët dhe padyshim presidentin,” vazhdoi ai. “Këto janë angazhimet kryesore që kam”
Ndërsa paraardhësi Boris Johnson gëzonte një marrëdhënie të ngushtë me Trump, Sunak duket më i fokusuar në angazhimin me administratën Biden, pasi Britania e Madhe dhe SHBA përballen me një mori sfidash të afërta.
I pyetur në lidhje me perspektivën e një kthimi të Trump në Shtëpinë e Bardhë pas 18 muajsh, Sunak tha se liderët me të cilët do të fliste kishin të përbashkëta “vlera universale të lirisë dhe demokracisë dhe sundimit të ligjit”.
Kryeministri britanik zhvilloi bisedime të mërkurën me disa figura, duke përfshirë kryetarin e Dhomës së Përfaqësuesve Kevin McCarthy, liderin e pakicës Hakeem Jeffries dhe senatorin republikan Lindsey Graham.
Takimet e tij në Capitol Hill pasuan një vizitë në Varrezat Kombëtare të Arlingtonit dhe më pas një takim me ish-kandidatin republikan për president dhe kritikun e Trump senatorin Mitt Romney.
Një takim dypalësh me Joe Biden në Shtëpinë e Bardhë do të zhvillohet të enjten
Ngurrimi i dukshëm i Sunak për të takuar Trump është në kontrast me Johnson, i cili darkoi me Trump në Florida javën e kaluar gjatë një vizite në SHBA.
Dyshja thuhet se kanë diskutuar për luftën në Ukrainë, pavarësisht qëndrimeve të tyre të ndryshme për këtë temë, ndërsa Trump më parë kishte refuzuar të angazhohej për dërgimin e ndihmës ushtarake në Ukrainë.
Burimi: Politico.eu. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
