Gazeta Si – Trajneri i ri i Çelsit, Mauricio Poçetino, do të bëjë spastrime në skuadër, duke ditur që këtë sezon nuk merr pjesën në kupat e Europës. Në listën e daljeve të trajnerit argjentinas, sipas ‘Daily Mail’, janë 15 lojtarë, të cilët ai nuk i sheh si pjesë të projektit të ringritjes së klubit.
Tek emrat e përmendur nga gazeta britanike nuk bën pjesë sulmuesi i Kombëtares shqiptare, Armando Broja, i cili është në fazën e rikuperimit. Megjithatë, qëndrimi i tij nuk mund të merret i mirëqenë në këtë moment.
Pronarët vitin e fundit shpenzuan 600 milionë euro, por Çelsi mbeti jashtë kompeticioneve europiane. Mes atyre që do të ikin është Zhoa Feliks, një lajm i konfirmuar nga Atletiko Madrid, që ka në pronësi kartonin e futbollistit portugez.
‘Ciao Felix’, – ishte titulli i ‘Star Sport’. Për ‘Daily Mail’ do të largohen me siguri nga ‘Stamford Bridge’ Pierr-Emerik Aubamejang, Hakim Zijesh, Kristian Pulisiç, Eduard Mendi dhe Kalum Hudson-Odoi, përveç Zhoao Feliks.
Në dyshim janë lojtarë si, Azpilikueta, Kovaçiç, Galager, Çalobah, Loftus-Çik dhe Kante. Mund të largohet edhe Kulibali, ndërsa Zakaria është e sigurt që do të kthehet te Juventusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
