Gazeta Si – Do të jetë Szimon Marciniak arbitri i sfidës Mançester Siti-Inter, finales së Ligës së Kampionëve 2022/23. Polaku që më 18 dhjetor gjykoi finalen e Botërorit mes Argjentinës dhe Francës, do të ketë si asistentë bashkombasit Paveł Sokolnicki dhe Tomasz Listkievicz.
Rumuni Istvan Kovaks do të jetë arbitër i 4-t. Në VAR do të jetë Tomasz Kviatovski, po nga Polonia, bashkë me Bartosz Frankovski dhe gjermanin Marko Fritz.
Finalja e Ligës së Europës mes Seviljes dhe Roma do të gjykohet nga arbitri anglez, Antoni Tejlor, kurse finalja e Ligës së Konferencës mes Fiorentinës dhe Uest Hemit nga spanjolli Karlos Del Çerro Grande.
Marciniak e ka arbitruar 5 herë më parë Interin në Europë, me bilancin 2 humbje, 2 barazime dhe 1 humbje. Në Champions ka arbitruar Inter-Liverpul 0-2 sezonin e kaluar, ndërsa këtë sezon Barcelona-Inter 3-3 në grup dhe Porto-Inter 0-0 në 1/8-at.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
