Gazeta Si – Elseid Hysaj ishte titullar në ndeshjen e javës së 35-të të Serisë A, që dhuroi një rezultat surprizë. Lacio barazoi 2-2 në ‘Olimpico’ me Leçen, madje në minutat shtesë arriti të shmangte humbjen, falë një goli të Milinkoviç-Saviç.
Mbrojtësi i Kombëtares u aktivizua në pozicionin e mbrojtësit të majtë dhe u zëvendësua pa u mbushur një orë lojë. Hysaj shkaktoi një penallti në pjesën e parë, kur rezultati ishte 0-0, por për fatin e tij të mirë kundërshtari e shpërdoroi atë. Lacio shënoi me Imobilen, por më pas pësoi 2 gola nga Oudin.
Ka gjetur rrugën e rrjetës sot në mbrëmje Ernest Muçi në Poloni. Ai realizoi golin e dytë për Legian e Varshavës në fitoren e thellë, 5-1, ndaj Jagellonias. Muçi e nisi ndeshjen titullar, ashtu si dhe ish-lojtari tjetër i Tiranës, mesfushori Jurgen Çelhaka.
Legia mban vendin e dytë në kampionat, por ka një diferencë të konsiderueshme me kreun. Për Muçin ky ishte goli i 5-të në kampionatin polak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
