.png)
Gazeta Si – Në Milano, zona në Porta Romana, pranë via Pier Lombardo dhe via Vasari, janë përfshirë nga flakë dhe shtëllunga të mëdha tymi nga shpërthimi i një kamioni që transportonte bombola oksigjeni.
Shoferi ka mbetur i plagosur në dorë, teksa po përpiqej të shuante flakët. Zjarri përfshiu të paktën pesë makina të parkuara në rrugë, një farmaci ngjitur dhe një ndërtesë aty pranë, e cila u evakuua.
Po ashtu, janë edhe dy apartamente të prekura, në katin e parë dhe të dytë. Si masë paraprake u evakuuan edhe Instituti Auxologjik Pier Lombardo dhe çerdhja Vasari.
Në vendngjarje kanë shkuar forcat zjarrfikëse, policia lokale dhe një ambulancë. Një kolonë e gjatë tymi të zi është e dukshme midis ndërtesave. Karabinierët rrethuan zonën.
Sipas zjarrfikësve, zjarri do të kishte nisur nga pjesa e motorit të furgonit. Shoferi u përpoq më kot për ta fikur.
Automjeti mbante njëzet bombola oksigjeni 32 litra, një gaz shumë i ndezshëm, i cili përshpejtoi flakët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
