.png)
Gazeta Si – Një gazetar 32-vjeçar është vrarë gjatë raportimit nga zona e luftës në Ukrainën Lindore. Arman Soldin, i cili punonte për Agjencinë e Lajmeve AFP, ndërroi jetë pasi u godit nga raketa në qytetin e Bakhmutit, epiqendra e luftimeve në Ukrainën lindore për disa muaj.
Lidhur me lajmin e hidhur ka reaguar dhe Presidenti francez, Emmanuel Macron i cili ndau dhimbjen për vdekjen e tij.
“Ne ndajmë dhimbjen e të dashurve dhe kolegëve të tij”, ka shkruar ai në një postim në Twitter.
Je réécoute tes voices, je relis tes messages sur ton opération de la myopie juste avant de repartir au front, où tu pensais voir plus clair dans ce brouillard d'horreur, cette guerre que tu couvrais avec tenacité, engagement, tant d'humanité depuis un an. pic.twitter.com/hMSWOdCaIc
— Daphné Rousseau (@daphnerousseau) May 9, 2023
Shefi i AFP, Fabrice Fries u shpreh se Agjencia e Lajmeve ishte në pikëllim nga vdekja e Soldin për të cilin tha se përballej çdo ditë me rrezikun gjatë raportimit të tij në Ukrainë.
Drejtoresha e Agjencisë për Evropën, Christine Buhagiar, e kujtoi Soldin si “entuziast, energjik dhe trim” dhe tha se ai ishte shumë i përkushtuar për profesionin e tij.
Gazetari Soldin ishte pjesë e ekipit të parë të AFP-së që shkoi në Ukrainë pas pushtimit të Rusisë në Shkurt të vitit të kaluar dhe kishte jetuar atje që nga Shtatori.
Ministria e Mbrojtjes e Ukrainës shprehu ngushëllimet për familjen dhe kolegët e Soldin duke thënë: Ai ia kushtoi jetën informimit të botës për të vërtetën. Trashëgimia e tij, si dhe kauza e tij, do të jetojë.
Soldin, i cili është me origjinë nga Bosnja është gazetari i 15-të që vritet ndërsa raportonte për luftën në Ukrainë që nga Shkurti i vitit 2022.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
