.png)
Princi Harry kishte një buzëqeshje të sikletshme sot ndërsa u detyrua të shikonte kurorëzimin e të jatit, Mbretit Charles III nga rrështi i tretë ndërsa vëllai i tij Princi William zuri vend në qendër të kishës së bashku me Kate Middleton.
Duka i Sussex-it, 38 vjeç, dukej i gëzuar në fillim të ditës në Westminster Abbey mes spekulimeve të vazhdueshme për problemet e brendshme të familjes mbretërore.
I veshur me medalje në kostumin e tij, ai ishte i qeshur ndërsa hynte në kishë së bashku me princeshat Eugenie dhe Beatrice dhe bashkëshortët e tyre respektiv Jack Brooksbank dhe Edo Mapelli Mozzi.
Por, sipas mediave britanike, buzëqeshja i ngriu kur pa se ishte caktuar të ulej në rreshtin e tretë, së bashku me kushërinjtë përpara ardhjes së babait të tij dhe mbretëreshës Camilla.
“Harry u duk se uli kokën ndërsa Mbreti ecte pranë tij”, shkruhet në mediat britanike.
Princi nuk ishte parë për më shumë se 24 orë pas mbërritjes së tij dhe planet e akomodimit mbetën të fshehura, para se të zbulohej se ai kishte shkuar në Britani me një fluturim të American Airlines të premten në mëngjes.
Harry është ftuar të jetë pjesë e drekës në Buckingham Palace por nuk dihet akoma nëse ka pranuar apo, duke qenë se ai pritet të kthehet me nxitim në Kaliforni për t’u ribashkuar me gruan e tij Meghan Markle për të festuar ditëlindjen e katërt të djalit të tyre Archie.
Pjesëmarrja e tij në drekë po pritet me shumë kuriozitet nga të gjithë duke qenë se shihet si një mundësi e mirë e Harry-t për të rregulluar marrëdhëniet me pjesën tjetër të familjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
