.png)
Gazeta Si – I mituri që kreu një masakër një ditë më parë në Beograd në një shkollë fillore, e kishte planifikuar krimin prej një muaji.
Në dhomën e tij, 13-vjeçari Kosta K., e dinte kodin e kasafortës ku i ati mbante armët, madje shkoi në poligonin e qitjes ku stërvitej.
Në sulmin e përgjakshëm të adoleshentit mbetën të vrarë nëntë persona dhe gjashtë u plagosën.
Ai e kishte planifikuar krimin prej kohësh, siç dëshmohet nga letrat që policia gjeti në dhomën e tij.
Bëhet fjalë për një skicë të shkollës, sipas katit, por edhe për një listë të personave që kishte në plan të vriste.
E sigurt është se Kosta K. kryente qitje, çka shpjegon faktin se 14-vjeçari dinte të mbante armën. Ai qëlloi me dy pistoleta, ndërroi fishekët.
djali i një mjeku radiolog, u arrestua fill pas ngjarjes, e në pranga janë vendosur po kështu edhe prindërit e tij. 7 vajza dhe një djalë të moshave 11 deri në 14 vjeç u vranë gjatë sulmit, së bashku me një roje sigurie ndërsa 6 fëmijë të tjerë dhe një mësuese mbetën të plagosur.
“Sot është një nga ditët më të vështira në historinë moderne të Serbisë”, tha presidenti Aleksandar Vuçiç, i cili iu drejtua kombit, duke qarë herë pas here. Për fat të keq, Serbia është e bashkuar në pikëllim.
Vuçiç tha se vrasësi u dërgua në një repart special të një klinike psikiatrike dhe se policia ndaloi edhe nënën e adoleshentit. Ai nuk dha detaje të tjera.
Djali 13-vjeçar njoftoi vetë policinë kur përfundoi sulmin, megjithëse autoritetet ishin njoftuar për të shtënat.
Për shkak se ai është nën 14 vjeç, autori i mitur nuk mund të përballet me akuza penale, tha zyra e prokurorit të Beogradit. Shërbimet sociale do të përcaktojnë se çfarë do të ndodhë me të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
