.png)
Presidenti ukrainas Volodymyr Zelenskyy do të vizitojë Berlinin më 13 maj.
Një zëdhënës i departamentit të policisë së Berlinit tha për POLITICO se Zelenskyy do të udhëtojë në kryeqytetin gjerman me ftesë të kancelarit Olaf Scholz.
Gazeta lokale B.Z. raportoi fillimisht vizitën e ardhshme të Zelenskyy.
Zelenskyy, i cili ka qenë në kontakt të ngushtë me Scholz që nga fillimi i luftës, tha në një intervistë disa muaj më parë se kishte “ulje-ngritje në marrëdhëniet me Gjermaninë”.
Ukraina ka kërkuar që Berlini të dorëzojë më shumë armë dhe më shpejt për t’i përdorur në betejë kundër forcave pushtuese ruse.
Sipas raportimeve të mediave, Zelenskyy pritet të ulet në zonën ushtarake të aeroportit të Berlinit dhe më pas të akomodohet në hotelin Ritz-Carlton në Potsdamer Platzin qendror.
Më pas ai do të pritet zyrtarisht me nderime ushtarake nga Scholz më 14 maj.
Janë planifikuar bisedime dhe një konferencë për shtyp, sipas medias lokale. Rreth orës 12:00, në rendin e ditës është një diskutim me presidentin gjerman Frank-Ëalter Steinmeier.
Zëdhënësi i policisë nuk ka mundur të japë ende detaje të mëtejshme të vizitës në POLITICO, por tha se përgatitjet për masat e sigurisë kanë filluar.
Presidenti ukrainas më pas është planifikuar të fluturojë me helikopter në Aachen, ku do të nderohet me Çmimin Ndërkombëtar të Karlit të Madh përpara se të kthehet në Ukrainë.
Zelenskyy ishte në Helsinki të mërkurën për një samit me liderët nordikë. Ai ka vizituar më parë SHBA, kryeqytetet e Evropës Perëndimore dhe Poloninë që nga fillimi i luftës.
Ndërkohë, Kancelaria gjermane nuk e konfirmoi vizitën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
