Zelenski vizitë në Hagë dhe akuza Putinit: Duhet të dënohet për krime lufte

Gazeta Si – Presidenti ukrainas Volodymyr Zelensky mbërriti në Holandë të mërkurën vonë për një udhëtim të paparalajmëruar më parë.

Ai arriti në aeroportin e Amsterdamit me një aeroplan të qeverisë holandeze që vinte nga Helsinki dhe më pas u drejtua në një autokolonë drejt Hagës nën shoqërimin e policisë.

Ai mbajti një fjalim për luftën në Ukrainë dhe akuzoi Putin se duhet të dënohet për krime lufte.

Putin është ai që meriton të dënohet për veprime kriminale në kryeqytetin e së drejtës ndërkombëtare”, tha Zelensky. “Jam i sigurt se do ta shohim këtë të ndodhë kur të fitojmë”, shtoi ai.

Zelensky tha se në këtë luftë është në rrezik më shumë se fati i një vendi, duke shtuar se ne “nuk mund të ndalojmë luftërat e agresionit, por mund ta mposhtim agresionin si një ide kriminale që buron nga mendësia e dikujt që është mësuar të mosndëshkohet”.

“Nëse shikoni çdo luftë agresioni, të gjithë kanë një gjë të përbashkët – autori i luftës nuk besonte se do të duhej të qëndronin për t’u përgjigjur për atë që bënë. Një paqe e qëndrueshme pas fitores arrihet me asgjë tjetër veç forcës së vlerave”, tha presidenti teksa falënderoi Holandën për furnizimin me armë Ukrainës.

Zelensky akuzoi Rusinë për 6000 krime lufte vetëm në prill. Këto krime kanë çuar në vdekjen e 207 civilëve ukrainas, duke përfshirë 11 fëmijë, ndërsa përmendi një sulm në Kherson dje, i cili vrau 23 dhe plagosi 49 të tjerë.

Ai vazhdoi fjalimin e tij duke bërë thirrje që të respektohet liria, drejtësia dhe paqja.

Zelensky falenderon përsëri lidershipin politik holandez për të qenë me Ukrainën “në këtë rrugë”. Ai vlerëson gjithashtu Holandën për nderimin e kujtimeve të jetëve të humbura në Luftën e Dytë Botërore.

Ai e përshkruan konfliktin aktual në Ukrainë si “luftën që nuk e donim, atë që duhet ta bëjmë të fundit – dhe do ta bëjmë”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.