Gazeta Si – Pas disa javësh zhgënjyese në Serinë A, Interi ka rigjetur fitoren dhe ka parakaluar Milanin në renditje, duke shkuar në vend të 5-të, me 54 pikë. Në ‘Castellani’ të Empolit skuadra e Inzagit fitoi 0-3.
Në pjesën e parë zikaltrit nuk bënë asnjë gjuajtje në kuadratin e portës. Në të dytën mendoi ‘Big Rom’ për të zhbllokuar shifrat, duke u kthyer te goli me aksion pas 8 muajsh. Belgu ishte autor i një dopiete, në fund Lautaro Martinez kompletoi fitoren e Interit, që lë pas krizën e kampionatit.
Mbrojtësi i Kombëtares, Adrian Ismajli, ishte titullar me Empolin, kurse Kristjan Asllani u aktivizua tek Interi vetëm në 4 minutat e fundit. Ai zuri vendin e Çalhanoglu, kur gjithçka kishte përfunduar. Ismajli është vlerësuar me notën 5.5 për ndeshjen e sotme, ku e gjithë skuadra e Empolit nuk u ngjit në nivelin e kërkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
