Është koha që prindërit të flasin me fëmijët për Chatbot-et

Teknologjia është më e pranishme se kurrë në jetën e gjithsecilit prej nesh dhe kjo për disa mund të jetë emocionuese dhe për të tjerë konfuze, sidomos për prindërit që përpiqen të gjejnë fjalët e duhura për tu shpjeguar fëmijëve se çfarë është inteligjenca artificiale, chatbot-i, ChatGPT etj.

Gjëja më e rëndësishme është që prindërit të eksplorojnë teknologjinë bashkë me fëmijët dhe të diskutojnë me to anët pozitive dhe negative të inteligjencës artificiale. Gjithashtu, prindërit duhet të qëndrojnë të informuar gjatë gjithë kohës për zhvillimet më të fundit të AI, sepse sic dihet tashmë, fëmijët pyesin për çdo gjë dhe çdo pyetje pa përgjigje është në ‘dëm’ të prindërve.

Eksperimentimi me chatbot të AI mund të jetë një mënyrë e shkëlqyer për prindërit dhe fëmijët që të mësojnë rreth aftësive dhe kufizimeve të tyre. Ndërsa ndërveproni me AI, inkurajoni fëmijët tuaj të mendojnë në mënyrë kritike për përgjigjet e chatbot-it dhe të diskutojnë për saktësinë dhe besueshmërinë e informacionit të dhënë.

Lëreni kuriozitetin e fëmijës tuaj të drejtojë bisedën dhe mos kini frikë të argëtoheni pak me të.

Ekspertët thonë se është thelbësore t’i ndihmojmë fëmijët të kuptojnë se edhe pse mund të duken si njeriu, chatbot-et nuk janë dhe nuk mund të krahasohen me njeriun.

Është jetike të theksohet se chatbot-et e AI nuk janë njerëz dhe nuk kanë ndjenja, emocione ose përvoja.

Ato mund t’i referohen vetes si “Unë” dhe të gjenerojnë përgjigje të ngjashme me njeriun, por ato janë makina të krijuara për të ndihmuar përdoruesit të gjejnë informacion ose të kryejnë detyra.

Duke diskutuar këto çështje me fëmijët tuaj, ju mund t’i ndihmoni ata t bëjnë dallimin siç duhet.

Fëmijët duhet të kuptojnë kufizimet e teknologjisë dhe t’i qasen ndërveprimeve me chatbot me një mendim kritik, duke pranuar se jo të gjitha informacionet e ofruara nga AI do të jenë të sakta ose të besueshme.

Duke mësuar bashkë me prindërit për inteligjencën artificiale, fëmijët mund të ndërgjegjësohen dhe të jenë më pak të varur nga teknologjia ndërsa rriten.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.