.png)
Gazeta Si - Ish-zyrtarja e lartë Alda Klosi ka apeluar masën e sigurisë “arrest në burg” dhe kërkon lirinë.
Avokati i saj mbrojtës ka dorëzuar këtë të hënë ankimimin në Apelin e Tiranës, ku kërkon lirimin e klientes së tij.
Me argumentin se ka dy fëmijë të mitur dhe duhet të kujdeset për nënën e saj të verbër, Klosi kërkon lirinë nga burgu.
Avokati ka përdorur si arsyetim edhe gjendjen shëndetësore të Klosit, e cila për disa ditë pas arrestimit u kurua në QSUT.
Alda Klosi u arrestua dhe është nën “arrest në burg” për akuzat e pastrimit të parave, fshehje pasurie e mosdeklarim pasurie dhe deklarim të rremë.
Një ditë më parë, 41-vjeçares i janë sekuestruar 2 pasuri; 1 apartament dhe 1 garazh në rrugën ‘Kongresi i Lushnjës’.
Sipas palës mbrojtëse, Klosi ka deklaruar se vetëm shuma prej 120 mijë eurove është e saj, ndërsa për pjesën tjetër të parave mohon të jenë gjetur në banesën e saj.
Gjykata e Tiranës vendosi pak ditë më parë masën “arrest me burg” për ish zyrtaren. Ajo u arrestua për shkak të shumës së madhe të parave që u gjetën në banesën e pastrueses Rozeta Dobi.
Kjo e fundit ka akuzuar Klosin se ka inskenuar grabitjen për shkak se kishte konflikte me bashkëshortin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
