Nga Gazeta ‘SI’ – Prurjet e orëve të fundit në kaskadën e Drinit vazhdojnë të përmbushin plotësisht nevojën e vendit për energji nga OSHEE. Por niveli i prurjeve ka rënë nga një ditë më parë kur ishin 4.000m3/s, duke rezultuar në 2.895 m3/s.
Kështu vlerëson KESH dhe tregon se nivelet e tre liqeneve në Kaskadë, janë më të larta se një ditë më parë. Deri në orën 10 të mëngjesit të sotëm (21 nëntor) Fierza qëndron 271.42 metra mbi nivelin e detit, Komani 173.62 mmnd dhe Vau i Dejës 75.40 mmnd.
Shkarkimet nga strukturat e portës së Vaut të Dejës po bëhen në 1000 m3/s.
Një ditë më parë KESH e përcaktoi situatën si ekstreme përshkak të shira me shumë intensitet.
Ndërkohë qyteti i Shkodrës dhe i Lezhës janë pjesërisht të përmbytura, ku dhjetra familje nëpër fshatra janë evakuuar dhe janë mbyllur shkollat. Në portet e vendit janë anuluar lundrimet.
Mbrëmjen e shkuar, ministrja e Energjisë, Belinda Balluku tha se falë mirë menaxhimit të kaskadës dhe HEC Vau i Dejës, u përballua një situatë e cila mund të rrezikonte të përmbyteshin sipërfaqe të tëra në zonën e Shkodrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
