.png)
Festivali i Teatrit Shqiptar “Moisiu” nis nesër, me pjesëmarrjen e 12 trupave teatrore, nga Shqipëria, Kosova e Maqedonia.
Festivali “Moisiu” mbahet në Shkup dhe organizohet nga Teatri Kombëtar i Shqipërisë, Teatri Shqiptar Shkup, Teatri Kombëtar i Kosovës dhe Teatri Kombëtar Eksperimental “Kujtim Spahivogli”, të cilët e kanë konsideruar këtë, si ngjarjen më të madhe kulturore të vitit.
“Moisiu” do të vijojë deri më 27 nëntor. Ai ka marrë mbështetjen e plotë të Ministrisë së Kulturës së Republikës së Shqipërisë, Ministrisë së Kulturës, Rinisë dhe Sportit të Kosovës, Ministria e Kulturës e Maqedonisë së Veriut.
Teatrot kryesorë shqiptarë bashkëorganizojnë festivalin më të madh të teatrove shqiptare nga të trija shtetet. Festivali “Moisiu” është emërtuar në nder të artistit shqiptar me famë botërore, Aleksandër Moisiu.
Ky festival do të jetë i përvitshëm dhe do të organizohet çdo nëntor me rotacion: Shkup, Tiranë, Prishtinë.
Teatri Kombëtar do të marrë pjesë në edicionin e këtij viti me produksionin “Ivanov”, shkruar nga Anton Çehov dhe regji nga Hervin Çuli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
