.png)
Agjencia për Eficencën e Energjisë ka bërë thirrje për fazën e parë për subjektet që do të ofrojnë dhe instalojnë panelet diellore për ngrohjen e ujit.
Projekti konsiston në mbështetjen financiare të 70% të kostos për vendosjen e paneleve diellore në tarracat e pallateve dhe si rrjedhojë ngrohjen e ujit, që konsiston në një ulje të konsumit energjetik nga 20-30%.
Kjo masë gjithashtu synon përmirësimin e furnizmit me ujë të ngrohtë sanitar dhe reduktimin e emetimeve të CO2
“Për 2000 mijë banorë u afrohet mbështetje financiare 70% e kostos për vendosjen e paneleve diellore në tarracat e pallateve dhe ngrohjen e ujit.
Do të jetë një proces që do të nisë më 1 tetor, me garën e parë që u drejtohet prodhuesve dhe instaluesve për të marrë çmimin më të mirë të tyre dhe për të bërë listën e shkurtër me entitete, të cilët do të ofrojnë këtë shërbim.
Më pas më 1 nëntor Agjencia e Eficencës së Energjisë do të hapë platformë ku të gjithë qytetarët do të aplikojnë për të marrë këtë grant e ndërtuar këtë impiant të ngrohjes së ujit. Një Task-Forcë do të kontrollojë procesin. Nëse procesi është i suksesshëm më 31 mars lancon paketën e dytë edhe më shumë familje”, tha para disa kohësh ministrja e Infrastrukturës, Belinda Balluku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
