.png)
Gazeta Si – Luiza Gega nuk zhgënjen asnjëherë. Atletja shqiptare është kualifikuar sot për në finalen e 3000 metrave me pengesa të Europianit që po zhvillohet në Mynih.
Gega ka arritur kështu objektivin e parë në këtë aktivitet. Ajo regjistroi kohën 9’30” në baterinë e saj, ku dominoi totalisht. Tani fokusi është te finalja e 20 gushtit, ku sportistja jonë shpreson në një tjetër paraqitje të mirë.
Gega po kalon një formë shumë të mirë sportive dhe shpresat janë për t’i sjellë një tjetër medalje Shqipërisë. Vetëm një muaj më parë Gega zuri vend të 5-të në Botëror dhe ishte mes sportisteve më të mira nga Europa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
