U nda nga jeta në moshën 73-vjeçare aktori i njohur i kinematografisë shqiptare, Pandi Siku.
Ai ishte aktor i teatrit dhe filmit shqiptar ku realizoi dhjetëra role.
Lindur me 28 Korrik 1949 ne Tirane ai u diplomua në Institutin e Larte te Arteve në Tiranë në degën e dramës.
Në vitin 1973 ai u bashkua trupës se Teatrit Popullore (sot Teatri Kombetar).
Aktiviteti i tij do te shtrihet ne harkun kohor nga 1973 – 2001. Në teatër debutimin e pati me dramën “Toka e jone” dhe “Bashke me agimin”.
Me pas edhe në shume shfaqje te tjera teatrale si: Adlinin ne “Lumi i vdekur” ; Halimi “Pas provimit te fundit”; Arjani ne “Jeta e tjetrit”; Shpendi ne “Epoka para gjyqit” (1978), Bardhi ne Furrnalta (1979), “Besa e madhe”; “Karavidhet”; Rrema ne “Komunistet” (1981), Merkusi ne “Romeo dhe Zhuljeta” ; Valentini ne “Dy zoterinj nga Verona” (1990), “Nata e 12-te; Lucencio ne “Zbutja e kryeneces”; Kostandini ne “Kush e solli Doruntinen” ; Rexhepi ne “Besa”; Pjestar i korit ne “Quoa vadis”; Amnekofi ne “Absurditeti antik” etj.
Edhe pse ka patur në më të shumtën e rasteve role dytësore, Siku ka arritur të bjerë në sy për interpretimin e tij duke fituar dy herë një çmim si “Aktori më i mirë i roleve dytësore me interpretimet tek “Furrnalta” dhe “Quo Vadis”.
Në vitin 2001 ai u largua nga teatri dhe së bashku me familjen e tij u shpërngul në Shtetet e Bashkuara, në shtetin e Illinoisit.
FILMAT:
1971: Kur zbardhi një ditë
1973: Brazdat (Ademi)
1977: Njeriu me top (Adnan Pinxho)
1977: Një udhëtim i veshtire (Sokoli)
1978: Kur hidheshin themelet (Mani)
1979: Mysafiri
1984: Fushë e blerte, fushë e kuqe (Misto)
1984: Koha nuk pret (agjent sigurimi)
1987: Këmishët me dyllë (Koburja)
1988: Shpresa (Niko)
1988: Tre vetë kapërcejnë malin (Kico Zgurra)
1990: Fletë të bardha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.