Disa qytetarë të organizuar nga organizata “Qytetarët aktivë” në Kosovë janë mbledhur këtë të hënë duke protestuar kundër mbajtjes së “Sunny Hill” në Parkun ë Gërmisë.
Me anë të një postimi në Facebook, organizata shkruan se organizimi i festivalit në at vend do të sjellë degradimin e natyrës dhe larminë biologjike.
Më datë 2 korrik u dha lajmi se Sunny Hill do të mbahet në Gërmi dhe menjëherë reagoi edhe Elza Ramadani, drejtoresha e Fondacionit për të drejta e kafshëve në Kosovë duke thënë se shishet dhe mbeturinat e viteve të tjera vazhdojnë të jenë në park.
“Kam prova dhe dëshmi se shishet dhe mbeturinat e viteve të kaluara janë akoma në Park. Do kërkojmë anullimin e mbajtjes së festivalit në Parkun e Gërmisë”, ka shkruar ajo në Facebook.
Sunny Hill është mbajtur në Parkun e kryeqytetit për dy vite rresht, në vitet 2018-2019.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
