.png)
Konsumimi i shumë yndyrave të ngopura dhe shtazore mund të rrisë rrezikun e kancerit të fshikëzës te meshkujt, sipas një studimi të ri.
Hulumtimi i financuar nga Fondi Botëror i Kërkimit të Kancerit zbuloi se ndërsa burrat rrisnin rrezikun e kancerit përmes yndyrave të pashëndetshme, gratë që hanin acide yndyrore të pangopura dhe vajra me bazë bimore, si vaji i ullirit, vaji i kokosit dhe vaji i susamit, ulën rrezikun për kancerin në e fshikëzës.
Kolesteroli është një substancë yndyrore që prodhohet kryesisht nga trupi në mëlçi.
Ngrënia e shumë yndyrave të ngopura në dietë mund të rrisë nivelet e kolesterolit të keq LDL, gjë që rrit rrezikun e sëmundjeve të zemrës dhe goditjes në tru.
Ushqimet e pasura me yndyra të ngopura shpesh vijnë nga kafshët dhe përfshijnë copa yndyrore të mishit, salsiçe, byrekë, gjalpë, djathë, çokollatë, biskota dhe ëmbëlsira të tjera.
Në studimin e ri, të udhëhequr nga studiuesit në Universitetin e Mastrihtit në Holandë, ekspertët panë të dhënat nga 11 studime mbi marrjen e yndyrës në lidhje me 2,731 raste të kancerit të fshikëzës dhe 544,452 raste pa kancer të fshikëzës. Ata njerëz në studim plotësuan një pyetësor dhe marrja e yndyrave dhe vajrave nga ana e tyre u llogarit për gram çdo ditë.
Rezultatet treguan se, në mesin e grave, ato që hanin më shumë acide yndyrore të pangopura kishin një rrezik 27% të reduktuar të kancerit të fshikëzës sesa ato që hanin më pak. Një efekt i tillë nuk u gjet për burrat.
Në mesin e burrave, ata që hanin më shumë yndyra të këqija kishin 37% rritje të rrezikut të kancerit të fshikëzës.
Panagiota Mitrou, drejtoreshë e kërkimit dhe inovacionit në Fondin Botëror të Kërkimit të Kancerit, tha se ne tashmë dimë disa nga faktorët e rrezikut për kancerin e fshikëzës, i cili shkakton mbi 200,000 vdekje në mbarë botën.
“Ajo që ka të re në lidhje me këtë hulumtim është se ai ofron një pasqyrë të rolit të yndyrave dhe vajrave në zhvillimin e kancerit të fshikëzës. Në të ardhmen, ne mund të shohim këshilla dietike të përshtatura për parandalimin e kancerit të fshikëzës”, shtoi Mitrou.
Hetuesi kryesor, Anke Wesselius, tha se duhen studie të tjera për këto fakte e kështu të përcaktohen dieta ushqimore të duhura. Studiuesi shton se për uljen e konsumimit të yndyrave duhet që të ketë një fushatë të madhe informuese.
Burimi: The Independent / Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
