Inflacioni në Britani muajin e kaluar është rritur në nivelin më të lartë vjetor që nga viti 1982, duke rritur presionin ndaj ministrit të Financave, Rishi Sunak, që të shtojë ndihmën për amvisëritë, të cilat po përballen me krizën më të rëndë të rritjes së çmimeve të jetesës.
Në prill, inflacioni për çmimet e konsumit arriti në 9 për qind, tha Zyra Kombëtare e Statistikave, duke tejkaluar nivelin më të lartë të recesionit, që ishte regjistruar në vitet ’90.
Ndërkaq, funta britanike ka rënë për 0.4 për qind kundrejt dollarit amerikan. Rritja e çmimeve të energjisë vlerësohet se ka qenë shkaku kryesor i rritjes së çmimeve në prill.
Sunak tha se shtetet në mbarë botën po përballen me rritje të inflacionit.
“Ne nuk mund të mbrojmë plotësisht qytetarët nga këto sfida botërore, por ne po ofrojmë mbështetje dhe jemi të gatshëm të ndërmarrim veprime të mëtejme”, tha ai.
Kriza e kostos së jetesës tashmë ka përforcuar debatin politik se si të trajtohet një sërë goditjesh që godasin Mbretërinë e Bashkuar. Qeveria konservatore e kryeministrit Boris Johnson ka synuar lehtësimin për ata që kanë punë, ndërsa opozita laburiste po bën thirrje për një buxhet emergjent për të ndihmuar pensionistët dhe njerëzit me përfitime.
“Vendet në mbarë botën po përballen me inflacion në rritje,” tha në një deklaratë kancelari i Thesarit Rishi Sunak. “Ne nuk mund t’i mbrojmë njerëzit plotësisht nga këto sfida globale, por po ofrojmë mbështetje të rëndësishme ku mundemi dhe jemi të gatshëm për të ndërmarrë veprime të mëtejshme.”
Burimi: Bloomberg/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
