Pas një kërkese nga Ukraina, Komisioni Europian propozoi të mërkurën disa masa të përkohshme, përfshirë heqjen e tarifave të importeve, që do t’i mundësonin Ukrainës “të ruajë pozicionin e saj me pjesën tjetër të botës dhe të zhvillojë më tej marrëdhëniet e saj tregtare” me Bashkimin Europian.
BE pritet të heqë të gjitha taksat, detyrimet e importeve për produktet industriale, frutat dhe perimet, si dhe heqjen e kuotave për produktet bujqësore dhe të përpunuara bujqësore.
Komisioni tha se pushtimi rus i Ukrainës ka pasur një ndikim negativ në aftësinë e Ukrainës për të bërë tregti me pjesën tjetër të botës. Për të zbutur ndikimin në ekonomi të agresionit, Komisioni shpjegoi se ishte e përshtatshme dhe e nevojshme për të rritur marrëdhëniet ekonomike midis BE-së dhe Ukrainës.
Në këtë propozim, Komisioni shpreson se këto masa do të krijonin kushtet për përmirësimin e marrëdhënieve ekonomike dhe tregtare me qëllim integrimin gradual të Ukrainës në tregun e brendshëm të BE.
Propozimi pritet të nënshkruhet nga Parlamenti Europian dhe Këshilli i Bashkimit Europian. /CNN
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
