Zgjati dy orë protesta para kryeministrisë, por ajo nuk u mbyll aty. Pas shpërndarjes, protestues kryesisht të rinj të mbledhur ne grupe kanë bllokuar akset kryresore të qarkullimit në Bulevardin “Dëshmorët e Kombit”
Në zonën pranë ish-bllokut, disa prej tyre madje u ulën në rrugë, ndërsa të tjerë bllokuan qarkullimin e automjeteve me kazanë mbeturinash. Kjo solli ndërhyrjen e policisë, FNSH dhe forcat “Shqiponja”, të cilët shoqëruan në komisariat disa protestues. Mes tyre ka pasur edhe përplasje shoqëruar me tensione dhe incidente.
Nisur nga situata e krijuar, Policia e Shtetit bëri thirrje përmes një njoftimi zyrtar që personat të cilët kishin bllokuar rrugët të ndalnin pasi po shkelnin ligjin. Situata nuk është qetësuar, ndërsa të shoqëruara në komisariat kishte edhe protestuese femra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
