Sipas Eurocontrol, vetëm Shqipëria nuk është ndikuar nga bllokimi i hapësirës ajrore ditët e fundit në Europë. Kontrollori i hapësirës ajrore europiane tregon se gjatë ditëve të fundit, trafiku ajror në Shqipëri ka pasur ecuri pozitive me 18% rritje. Ndërkohë të gjitha vendet e tjera kanë pasur rënie ose stanjacion.
Ukraina është dëmtuar me -100%, por ka prekur edhe fqinjët e saj. Moldavia ka pësuar rënie me -88%.
Eurcontrol ka njoftuar se çmimi mesatar i kostove të fluturimit ëhstë rritur me 30% nga shkurti i 2019-s dhe 65% nga shkurti i 2020-s, për shkak të luftës në Ukrainë.
Sipas kontrollorit të hapësirës ajrore europiane, lufta po ndikon në rënien e trafikut ajror në të gjithë rajonin. Ukraina ka pësuar rënie me -100%. Impakti është shtrirë edhe në Moldavinë fqinje, që rezultin me -88% të trafikur ajror, në raport me të njëjtën periudhë të 2019-ës.
Rritja e çmimeve vjen në një kohë, që industria e aviacionit, si një nga më të goditurat nga pandemia e shkaktuar nga Covid-19 po rimëkëmbej, si pasojë e heqjes së kufizimeve të lëvizjes nga shumë shtete. Ndërkohë që, rritja e kostove të operimit, me gjasë do të detyrojë kompanitë ajrore të transferojnë këtë kosto te pasagjerët, duke rritur çmimin e biletave.
Paralelisht, shumë prej kompanive ajrore janë prekur nga masat për mbylljen e hapësirës ajrore me Ukrainën, çka ka bërë që për mbërritjen në disa destinacione, të shtohen ndjeshëm distancat e fluturimit e për pasojë edhe kostot e udhëtimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
