.png)
Enti Rregullator i Energjisë ka nisur procedurat për përcaktimin e çmimeve të blerjes së energjisë nga impiantet e prodhimit të energjisë nga era, dielli dhe mbetjet për vitin 2022. Ky është çmimi me të cilin shteti shqiptar do të blejë energjinë nga prodhuesit .
Vendimi i ERE-s vjen pas mbylljes së procedurës për vitin 2021, ku për impiantet e diellit dhe atyre që prodhojnë energji nga mbetjet, nuk u përcaktua çmim. Ministria e Infrastukturës dhe Energjisë nuk kishte përfunduar procesin e vlerësimit të aplikimeve për teknologjitë fotovoltaike deri në 2 MW, ndërsa për prodhimin e energjisë nga mbetjet nuk pati asnjë aplikim të ri. Për këto arsye, ERE konstatoi se në mungesë të kostove konkrete të investimit për vitin 2021, përcaktimi i çmimit nuk gjente zbatim.
Sipas të dhënave zyrtare, që MIE ka dërguar pranë Entit Rregullator të Energjisë, deri në datën 25 janar 2022 janë lëshuar 16 Miratime Paraprake për ndërtimin e kapaciteteve gjeneruese të energjisë elektrike fotovoltaike me kapacitet 2 MW secila, ndërsa ka pranuar shqyrtimin e 8 aplikimeve me kapacitet me nga 2 MW, të cilat janë në fazë vlerësimi. Gjithashtu, janë dhënë 7 Miratime Paraprake për ndërtimin e kapaciteteve gjeneruese të energjisë elektrike eolike, prej të cilave 5 Miratime Paraprake me kapacitet prodhues me nga 3 MW, 2 Miratime Paraprake me kapacitet prodhues 2 MW dhe 1 Miratim Përfundimtar me kapacitet të instaluar 2 MW.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
