.png)
Shqipëria dhe Turqia janë vendet me popullsinë më të re në Europë. Në vendin tonë më shumë se 20% e popullsisë i përket grupmoshës 15-29 vjeç për vitin 2020, ndërsa në Turqi 20%.
E njëjta përqindje në raport me popullsinë, është dhe në Guainna të Francës dhe Groningen të Holandës.
Më 1 janar 2020, në të gjithë BE-në, 1 në 6 persona ishte nga mosha 15 deri në 29 vjeç, duke përfaqësuar 73.6 milionë njerëz të popullsisë totale të BE-së (447.3 milionë).
Sipas Instat, në janar të vitit 2021, grupmosha 15-29 vjeç zinte pothuajse 23% të popullësisë totale në Shqipëri. Më vonë gjatë vitit, raporte të herëpashershme ndërkombëtare nxorrën shifra të larta të të rinjve shqiptare që kishin emigruar në vendet e Europës.
Zyrtarisht nuk ka shifra të largimit të tyre, pasi censusi që do të bëhej në nëntor të vitit 2021, u shty nga Instituti i Statistikave.
Me tej Qiproja, kryeqytetit të Danimarkës dhe rajoni autonom spanjoll Melilla kishin më shumë të rinj në raport me popullsinë totale (secili 21%).
Nga ana tjetër, përqindjet më të ulëta të të rinjve në BE u gjetën në Chemnitz dhe Brandenburg në Gjermani (të dyja 11%), Turingia, Mecklenburg-Pomerania Perëndimore, Saksonia (të gjitha në Gjermani) dhe Asturias në Spanjë (secila 12% ).
2022 është shpallur viti Europian i Rinisë, ku pritet të ndërmerren një sërë politikash dhe nismash për të rritur produktivitetin e të rinjve si baza e zhvillimit të qëndrueshëm në të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
