.png)
Bizneset që i mundësojnë klientëve ofrimin e një shërbimi me mundësi kredie nuk do të kenë më asnjë përgjegjësi mbi informimin parakontraktor të klientëve.
Sipas rregullores së sapo miratuar nga Këshilli Mbikëqyrës i BSH-së, “Për kredinë konsumatore dhe hipotekare”, kjo detyrë i kalon bankave apo institucioneve që kryejnë huadhënien.
Këto biznese që zakonisht i përkasin fushës së pajisjeve elektronike dhe smart shërbejnë si ndërmjetës midis instiucioneve financiare jo banka dhe klientëve.
Rregullorja e re përfshin dhe kontratat e kredive më afat të pacaktuar, open-end, ku lejon përfundimin e një kontrate të tillë më para nga se është caktuar, pa nevojën e pagesave shtesë. Kjo ndalohet vetëm në rastet e dakordësimit të një njoftimi paraprak, për jo më pak se dy muaj.
Rregullorja “Për kredinë konsumatore dhe hipotekare” ishte ndryshuar për herë të fundit në muajin shtator, me qëllim vendosjen një norme maksimale efektive të interesit për kredinë konsumatore. NEI maksimal do të llogaritet si mesatare e normës efektive të interesit të aplikuar nga subjektet, sipas llojit të kredisë konsumatorë. Kjo pritet të hyjë në fuqi në janar 2022.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje