.png)
“Bateritë janë një treg i madh dhe këto lloj baterish janë thelbësore për zhvillimin e tyre”, thotë Ngoc Tan Nguyen, në Universitetin e Kolumbisë.
Në bateritë tradicionale, shtresat e brendshme janë të mbështjella në një pjesë të jashtme të fortë, por për këtë bateri të re, studiuesit përdorën zink dhe dioksid mangani duke i futur ato në një copë gome. Këto kimikate janë më të sigurta se bateritë litium-jon të cilat prodhojnë kimikate toksike kur prishen.
Bateria e kompletuar përbëhet nga disa shtresa ultra të holla plastike duke krijuar një vulë hermetike dhe të papërshkueshme nga uji.
“Ne i vendosëm prototipet tona në lavatriçe. Dolën të paprekura dhe funksionale dhe kështu është e sigurt se kjo bateri është me të vërtetë elastike”, thotë studentja e doktoraturës Bahar Iranpour. Deri më tani, bateria ka duruar 39 cikle larje.
Studiuesit tani po kërkojnë të përmirësojnë fuqinë dhe ciklin e jetës së baterisë, me shpresën se, kur të arrijë në tregun e konsumit, mund të kushtojë njësoj si një bateri normale e rikarikueshme.
Bateria përshkruhet në një studim të ri të botuar së fundmi në Advanced Energy Materials.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
