.png)
Dosja në ngarkim të Sajmir Tahirit dhe Jaeld Çelës në Apelin e Posaçëm, do të gjykohet nga Daniela Shirka që është kryesuese, anëtare Ilirjana Olldashi dhe anëtari i tretë pritet të delegohet nga Këshilli i Lartë Gjyqësor.
Çështja ndaj ish-ministrit të Brendshëm dhe ish-drejtorit të Policisë së Vlorës, u regjistrua një ditë më parë pranë Gjykatës së Posaçme të Apelit për Korrupsionin dhe Krimin e Organizuar, ku ata kërkojnë pafajësinë.
Ish-ministri u dënua me 5 vite burg nga Shkalla e Parë, vendim i cili u konvertua në 3 vite shërbim prove. Ndërsa Apeli e ktheu çështjen për rigjykim në shkallën e parë, me argumentin se kjo gjykatë kishte gabuar në rikualifikimin e akuzës nga “trafik i narkotikëve” në “shpërdorim detyre”.
Akuza këto, për të cilat SPAK kërkoi dënimin me 12 vite burg. Ishte ish-ministri i Brendshëm që bëri rekurs në Gjykatën e Lartë, kërkesë e cila u pranua pjesërisht duke e kthyer për rigjykim në Apel, por me trupë tjetër gjyqësore.
SPAK e akuzoi për trafik droge Sajmir Tahirin, por gjykata e dënoi vetëm për shpërdorim detyre, ndërsa me prishjen e vendimit nga Gjykata e Lartë, dosja rikthehet edhe njëherë në Apel.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
