Shqipëria në basketboll për meshkuj e ka nisur me fitore fazën paraeliminatore të Botërorit 2025. Djemtë kuqezi kanë arritur një fitore të vështirë, 92-89, ndaj Luksemburgut.
Ndeshja e zhvilluar në akademinë “Dhimtraq Goga” ishte e ekuilibruar dhe vetëm në periodën e fundit Kombëtarja jonë ia doli të siguronte fitoren. Perioda e parë u mbyll 27-26, e dyta 21-20, ndërsa në të tretën Luksemburgu u paraqit mirë dhe fitoi 20-28, duke u shkëputur përpara.
Në periodën e fundit skuadra e drejtuar nga trajneri Afrim Bilali triumfoi 24-15, duke siguruar fitoren dhe duke e nisur mbarë këtë fazë eliminatore, ku Kombëtarja jonë për herë të parë luajti pa Gerti Shimën, tashmë drejtues në KOKSH.
Lojtari më i mirë për Shqipërinë ishte Rei Pullazi, autor i 23 pikëve, i ndjekur nga Shestani me 15 pikë, Dusha me 12 pikë dhe Lekndreaj me 11 pikë. Shqipëria bën pjesë në Grupin B, bashkë me Luksemburgun dhe Rumaninë, që sot ishte pushim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.