Drejtori i shkollës 9-vjeçare të fshatit Stropckë, Adriatik Haxhillari është pezulluar nga detyra. Ai u arrestua të shtunën nga policia e Korçës, pasi akuzohet se prej 2 javësh kishte ngacmuar seksualisht 2 nxënëse të mitura të kësaj shkolle.
Në dokumentin që mban datën 8 nëntor, thuhet se “Adriatik Haxhilalri është pezulluar nga detyra e drejtorit të shkollës 9-vjeçare “Stropckë” Pogradec, deri në përfundimin e hetimeve që po kryhen ndaj tij.”
Ato kanë rrëfyer në prani të psikologut se drejtori i ngacmonte gjatë orës së mësimit, si edhe me mesazhe në orët e mbrëmjes. Vajzat e mitura nuk kanë treguar në familje dhe as e kanë denoncuar, por policia e ka zbardhur ngjarjen nga rrethana të tjera.
Drejtori i shkruante mesazhe në telefon 14-vjeçares dhe gjyshja e kësaj të fundit u shpreh se ai i shruante fjalë turpi. Ndërkohë pritet që të martën i akuzuari të paraqitet pranë Gjykatës për masën e tij të sigurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
