Një drejtor shkolle është arrestuar nga policia, pasi akuzohet se ka ngacmuar seksualisht dy nxënëse të mitura.
Ngjarja ka ndodhur në fshatin Stropckë të Pogradecit, ku 59-vjeçari, me inicialet A.H. akuzohet se ngacmonte në mënyrë të vazhdueshme dy nxënëset e tij.
Mësohet se ngacmimi ndaj minoreneve ka filluar 2 javë më parë.
Ka qenë policia e Pogradecit ajo që në bazë të informacioneve ka mundur të zbuloje në prani të psikologeve nga dy vajzat e mitura se drejtori u ka bërë shenja gjatë mësimit. Ndërkohë, mësohet se ai u ka dërguar sms ngacmuese në orët e vona të natës.
Vajzat e mitura nuk kanë treguar në familje dhe as kanë denoncuar, por policia ka mundur ti bindë për të treguar se çfarë ka ndodhur.
“Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprën penale “Ngacmimi seksual”, të shtetasit A. H., 59 vjeç, banues në Pogradec, pasi dyshohet se ka ngacmuar seksualisht dy 14-vjeçare”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
