.png)
Kryeministri i vendit, Edi Rama ka njoftuar me anë të një fotoje në rrjete sociale se me datë 28 nëntor 2021 do të hapet kantieri i ndërtimit të Aeroportit të Vlorës dhe një ditë më pas, më 29 nëntor 2021 do të hapet përfundimisht Rruga e Arbërit.
Pa as një kontekst më shumë, Kryeministri i vendit ka njoftuar këto dy lajme në data që përkojnë me festat komëbtare të Pavarësisë dhe Çlirimit.
Aeroporti i Vlorës, sipas të dhënave të projektit fillestar, do të shtrihet në një sipërfaqe prej 297 hektarësh. Nga këto 16 000 m2 do të jetë zona e terminalit të pasagjereve. Parkingu i avionëve do të jetë 46 690 m2 nga të cilat 32 000 m2 do të jenë për pozicionet e avioneve (12 vendqëndrime). 2000 m2 do të jetë sipërfaqja e shërbimit zjarrëfikës.
Pista do të jetë e gjatë 3200 metra, ndërsa kategoria e aeroportit do të jetë 4E, që do të thotë se plotëson kushtet për avionë të mëdhenj. Rrugët lidhëse do të jenë në total 7263 metra të kategorisë që mbështet operimet e pistës.
Ndërtimet në “Rrugën e Arbërit” filluan nw qershor 2018. Sipas Ministrisë së Infrastrukturës dhe Energjisë të Shqipërisë, Rruga e Arbërit, është një vepër infrastrukturore që do të kushtojë rreth 240 milionë euro, ku shteti shqiptar do të marrë përsipër të likuidojë kontraktorin brenda një periudhe 13 vjeçare. Ishte parashikuar hapja e saj në prill të vitit 2022.
Zonat e Shqipërisë nëpër të cilat kalon rruga janë: Tiranë, Zalldajt, Murizë, Guri i Bardhë, Ura e Vashës, Plani i Bardhë, Bulqizë, Ura e Çerenecit, Gjoricë dhe Dibër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje