.png)
Depozitat vijuan të kenë një tendencë rritëse edhe për muajin qershor,të udhëhequra nga shtimi i fortë i kursimeve në valutë.
Stoku i depozitave në fund të qershorit arriti një tjetër rekord të ri prej 11.5 trilionë lekë ose 9.2 miliardë euro duke u rritur me 0.01% në krahasim me muajin maj, sipas statistikave të Bankës së Shqipërisë.(BSH)
Këtë vit, rritjen më të lartë po e shënojnë kursimet në valutë të cilat në qershor ndikuan në 71% të rritjes mujore të kursimeve.
Rritja e depozitave në valutë ishte +8.1 miliardë lekë në qershor, më e larta që nga muaji dhjetor, periudhë e cila përgjithësisht ka një shtim të kursimeve në euro për shkak të kthimit të emigrantëve.
Ndikim në shtimin e depozitave në valutë kanë dhënë dhe bizneset, që kanë ndikuar në gjysmën e rritjes në muajin qershor. Bankierët thonë se përmirësimi i aktivitetit ekonomik dhe rritja e punëve publike nga shteti ka ndikuar në shtimin e likuiditeteve të bizneset.
Në fund të muajit qershor, pesha e depozitave në valutë ishte 53.9%, nga 53.4% në dhjetor.
Me bazë vjetore depozitat në total janë rritur me 8.6%, ose me 90.6 miliardë lekë (rreth 730 milionë euro).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
