Këtë të hënë (5 qershor), Ministria e Financave zhvillon ankandin e obligacioneve me maturim 10-vjeçar, me shumë të shpallur 5 miliardë lekë.
Kuponi i obligacioneve 10-vjecare rezulton 5%, me rënie të lehtë nga ankandi i fundit i këtyre obligacioneve.
Obligacionet me 10 vite maturim, ndonëse këtë herë kuponi rezulton me rënie të lehtë nga 5.38% në 5%, mbeten instrumente të vlefshme të investimeve afatgjata.
Në këtë ankand mund të bëhen pjesë edhe individët me ndihmën e një ndërmjetësues të licensuar nga Autoriteti Mbikëqyrës Financiar me një shumë minimale prej 500 mijë lekësh. Sipas AMF-së, për vitin e kaluar individët realizuan blerje të obligacioneve në tregun primar për një vlerë prej 6.9 miliardë lekësh ose rreth 56 milionë eurosh.
Tregu i obligacioneve afatgjata është një sfidë edhe për Bankën Qendrore Europiane, pasi për një pjesë është mjet që ndihmon qeverinë më shumë se ekonominë dhe fryn çmimet e mallrave. Ndërsa për pjesën tjetër është mjet në benefitet e ekonomisë dhe largimin ndaj panikut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
