Një konflikt mes dy vëllezërve nga Lezha dhe dy vëllezërve nga Kosova ka ndodhur të dielën në Shëngjin. Policia sqaron se dy vëllezërit Ç.Z.,23 vjeç, Q.Z., 21 vjeç nga Kosova, janë konfliktuar me vëllezërit A.J., 24 vjeç dhe A.J., 24 vjeç nga Shëngjini.
Ngjarja u shënua në mes të ditës dhe shumë qytetarë dhe pushues kanë qenë dëshmitarë të këtij sherri.
Policia thotë se gjithçka ka nisur pas një konflikti për motive të dobëta, ndërsa burimet bëjnë me dije se ata janë zënë për një vajzë.
Si pasojë, të katër djemtë kanë marrë dëmtime të lehta dhe janë dërguar në spitalin Rajonal Lezhë për mjekim, ku tashmë ndodhen nën kujdesin e mjekëve.
Ndërkohë, kundër tyre rëndon akuza për veprën penale, “Dëmtime të tjera me dashje” e kryer në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
