Gjykata e Apelit të GJKKO-së, ka lënë në burg ish-gjyqtaren e Krujës, Enkelejda Hoxhën. Këtë të premte, Hoxha kërkoi masë më të butë sigurie, me pretendimet se ajo do të kujdeset për vajzën e saj te mitur dhe djalin me probleme shëndetësore.
Por gjykata rrëzoi kërkesën e saj, duke lënë në fuqi kërkesën e SPAK për "arrest me burg". Ajo u arrestua nën akuzën e korrupsionit, ku në këmbim të shumave monetare, ndërhynte për uljen e dënimit për të burgosurit në mënyrë që ata të liroheshin.
Përveç saj, u arrestuan edhe sekretarja e gjykatës, Emanuela Mallkuçi dhe avokati Aldo Tabaku, të cilët në bazë të një skeme të mirëfilltë kriminale bënin të mundur lirimin e të dënuarve.
Ndërkohë, rreth dy muaj më parë KLGJ pranoi kërkesën e ILD për shkarkimin nga detyra të magjistrates. Vendim të cilin Hoxha e ka apeluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.