Pas 8 vitesh pritje, Prishtina është shpallur kampione e Kosovës. Pas fitores 1-2 në fushën e Gjilanit, skuadra e drejtuar nga Zekerija Ramadani, ka fituar matematikisht titullin kampion në Kosovë për sezonin 2020-2021. Gledi Mici dhe Zyba shënuan golat që i dhanë fitoren e titullit skuadrës prishtinase.
Për Prishtinën është titulli i 11-të në histori dhe fakti që vjen pas 8 vitesh e bën atë më të veçantë. Për herë të fundit, Prishtina ishte shpallur kampione në sezonin 2012-2013. Gjatë këtij sezoni Prishtina ka arritur të fitojë garën me Dritën dhe Ballkanin, dy skuadrat e tjera prerendente.
Në 35 javë kampionat, skuadra e trajnerit Ramadani ka grumbulluar 78 pikë. Me Prishtinën aktivizohen disa futbollistë të njohur të kampionatit shqiptar, si Gentian Muça, Sabien Lilaj, Gledi Mici, Leonit Abazi e të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.