.png)
Pi për të harruar! Rud Gulit, në kohët kur ishte trajner i Çelsit, kishte një metodë të tijën për të larguar mendimet e këqija të lojtarëve të tij para finales me Midëllsbroun. Historinë e vitit 1997 e tregon për “The Sun” ish-futbollisti Frenk Sinkler, në prag të sfidës mes dy skuadrave.
Sipas Sinkler, atmosfera para finales në dhomën e zhveshjes së Çelsit ishte mjaft e tensionuar. Në atë kohë Çelsi nuk ishte ende një skuadër e mësuar me trofe. Dhe Rud Gulit i parapriu situatës. “Ishim shumë nervozë dhe Rudi kuptoi gjithçka menjëherë. Ishte heshtje totale në dhomat e zhveshjes, ndihesha në siklet, sepse diçka nuk shkonte. Gulit vendosi të hapte një shishe shampanje para nisjes së ndeshjes për t’i qetësuar të gjithë”, – tregon ish-futbollisti.
Dhe ideja rezultoi brilante. Të pish alkool me stomakun bosh nuk është ajo që ndodh në sport, por në fakt funskionoi për mrekulli. Çelsi e mundi 2-0 Midëllsbroun në “Wembley”, Di Mateo shënoi pas vetëm 42 sekondash. “Rudi e hapi shishen e shampanjës para ndeshjes dhe na dha nga pak të gjithëve. Ishte një ide shumë e mirë për të larguar tensionin. Pasi e pimë sikur morëm më shumë zemër, dolëm në fushë dhe luajtëm shumë mirë. Ajo pije sikur na shkundi”, – kujton Sinkler.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje