.png)
Kontrolli i Lartë i Shtetit ka raportuar se nga 145 kontrolle janë zbuluar 73 parregullsi lidhur me shkeljet financiare që janë kryer dhe veprimet jolegjitime. Dëmi ekonomik i konstatuar nga parregullsi dhe shkelje financiare, në të ardhurat dhe në shpenzimet e kryera, rezultoi në shumën totale 17.7 milionë euro. Shkelje e disiplinës financiare me ndikim negativ në performancën e subjekteve të audituara, në shumën e afërsisht 694.1 milionë euro.
KLSH-ja raporton se parregullsitë dhe paligjshmëritë janë zbuluar në përdorimin e fondeve pa eficensë, mungesa e kontrollit në fushën e prokurimeve publike, shkeljet e disiplinës buxhetore në likuidimin e faturave për shpenzime/investime, keqmenaxhimin e fondeve.
Gjithashtu Kontrolli i Lartë i Shtetit bën me dije se nuk janë raportuar saktë detyrimet e prapambetura dhe janë anashkaluar asetet që mund të nxjerrin vlerën reale.
“Mbi raportimin e pasaktë të detyrimeve të prapambetura rezultoi se, stoku i detyrimeve të prapambetura i raportuar në bazë të vetë deklarimeve të njësive buxhetore në shumën 17.279 milion lekë, është jo i plotë dhe i saktë pasi konstatohen diferenca në raportimet e pagesave për detyrimet e prapambetura, por edhe për shkak të mosraportimit të plotë nga ana e njësive buxhetore dhe jo në përputhje me Udhëzimet vjetore dhe VKM-në nr. 50, date 05.02.2014 “Për miratimin e strategjisë për parandalimin dhe shlyerjen e detyrimeve të prapambetura e të planit të veprimit”-raporton KLSH-ja.
Kjo parregullsi ndikon drejtpërdrejt në deformimin e pasqyrave financiare dhe vetë deficitit buxhetor në vendin tonë.
Tregohet se ka vendime gjyqësore të formës së prerë lidhur me menaxhimin e financave që nuk raportohen ose raportohen pjesërisht.
“DPT nuk ka raportuar në Ministrinë e Financave dhe Ekonomisë stokun e rimbursimit të TVSH-së. Teprica kreditore për tatim – fitimin vazhdon të mbetet e lartë dhe gjatë vitit 2019 duke krijuar një detyrim potencial për administratën tatimore i pa raportuar si detyrim i prapambetur”,- thuhet në raport.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje